«Локомотив» ўйинида ифторлик ташкил қилинади

Фото: FK Lokomotiv Tashkent

Локомотив» клуби 22 май куни стадионга ташриф буюрган рўзадорларга танаффус пайтида бепул егуликларини таклиф этади.

Клуб матбуот хизмати хабарига кўра, рўзадорлар стадиондаги махсус секторда бемалол ифторлик қилиб олишлари мумкин.

Бундан ташқари, «Локомотив» – «Қизилқум» ўйинига кириш ҳам текин. Беллашув 22 май куни соат 18:56да бошланади. Унинг танаффус вақти Тошкент шаҳридаги ифторлик вақтига тўғри келади.

Аввалроқ, «Локомотив» маъмурияти стадионда мухлислар учун ибодат қилинадиган жой ҳам ташкил қилган эди.