Тошкентда миграция ва фуқаролик бўлимлари 8:00 дан ишлайди

Бугундан бошлаб Тошкент шаҳар Ички ишлар бош бошқармасининг Миграция ва фуқароликни расмийлаштириш Бошқармаси ҳамда унинг ҳудудий бўлимлари ишни эрталабки соат 08:00дан бошлайди. Бу ҳақда пойтахт ИИББ ахборот хизмати хабар қилган.

Шу билан бирга, Тошкент ИИББнинг эслатишича, жорий йилнинг 1 июлидан бошлаб эгаларининг биометрик маълумотларига эга бўлмаган паспортлар ҳақиқий эмас, деб топилади.

Бу маъмурий жавобгарликка сабаб бўлиши айтилмоқда.