Хитой АҚШни савдо келишувларини бузишда айблади

Оқ уй томонидан эълон қилинган савдо чоралари Пекин ва Вашингтон ўртасида яқинда эришилган келишувларга зиддир, деб айтилган Хитой тижорат вазирлиги баёнотида.

Вазирликда таъкидланишича, Пекин давлат ва хитой халқининг манфаатларини ҳимоя қилишда қатъийдир, АҚШ ҳукумати бундай қарорни қабул қилишини эса кутиш мумкин эди.

29 май куни АҚШ Хитойнинг 50 млрд долларлик маҳсулотларига 25 фоизлик бож тўлови киритилишини эълон қилди. Бу эса Пекин ва Вашингтон ўртасида ўзаро бож киритишни тўхтатиш ҳақидаги келишувдан бир ҳафта ўтиб юз берди.

“Биз АҚШ томонини эришилган қўшма баёнот руҳида ҳаракат қилишга чақирамиз”, деб айтилган Хитой баёнотида.

Бундан ташқари, Вашингтон 30 июнда инвестициларни чеклаш ва Хитой бизнеси учун технологиялар экспорти устидан қўшимча назорат жорий қилиш бўйича чоралар рўйхатини эълон қилади.