Расман: Зидан «Реал»дан кетаётгани ҳақида маълум қилди

Мадриднинг «Реал» клуби бош мураббийи Зайниддин Зидан жамоадан кетиши ҳақида расман маълум қилди.

Зидан бу ҳақда режадан ташқари ташкил этилган матбуот анжумани вақтида хабар берди. Журналистлар билан учрашувга Мадрид клуби президенти Флорентино Перес ҳам келган

«Мадрид менга барча нарсани берди, ҳамда қолган барча ҳаётимни бу клуб ёнида  ўтказишга тайёрман. Менинг қарорим кўпчиликка тушунарсиз бўлиши мумкин, бироқ ўзим учун маънога эга. Ўзгарадиган вақт келди», - дея айтиб ўтди Зидан.

Франциялик мутахассис бошчилигида «Реал» Испания чемпионига айланди, шунингдек, Чемпионлар лигасида қаторасига уч маротаба ғалаба қозонди.