АҚШ Панаманинг собиқ президентини юртига экстрадиция қилади 

АҚШ давлат департаменти Панамага бу мамлакатнинг собиқ президенти Рикардо Мартинеллини экстрадиция қилишни маъқуллади. Бу ҳақда унинг адвокати Сидней Ситтон маълум қилди.

Ситтоннинг таъкидлашича, Мартинеллини Панама суд идораларига топшириш ҳақидаги ҳужжат давлат департаменти томонидан имзоланган.

2017 йил сентябрдаёқ Майами суди Мартинеллини АҚШга экстрадиция қилишга рухсат берганди. Мартинелли ўз юртида сиёсий жосуслик ва коррупцияда айбланмоқда. У 2017 йил май ойида Интерпол томонидан халқаро қидирувга берилиб, июнда АҚШ ҳудудида қўлга олинган.

Панамага 2009-2014 йиллар давомида раҳбарлик қилган Мартинелли коррупция, мухолифат, сафдошлари ва фуқаролар ортидан кузатишга алоқадорликда айбланмоқда. У, шунингдек, Панама визаларининг ноқонуний савдосида гумон қилинмоқда. У шериклари билан бу йўл орқали 100 млн долларгача фойда олган бўлиши мумкин. Жами айбловлар бўйича унга 21 йиллик қамоқ жазоси берилиши мумкин.