Никарагуадаги норозилик намойишларида ҳалок бўлганлар сони 135 нафарга етди

Никарагуада давом этаётган норозилик намойишларида ҳалок бўлганлар сони 135 нафарга етди. Бу ҳақда Prensa Libre портали маълум қилди. 

Аввалроқ 127 киши ҳалок бўлгани маълум қилинган. 

7 июнда Никарагуа президенти Даниэль Ортега мамлакатнинг Епископ конференцияси аъзолари билан учрашиб, уларнинг мамлакатни демократлаштириш бўйича таклифини ўйлаб кўриш учун икки кунлик муҳлат олган.

Никарагуадаги намойишлар ҳукумат таклиф қилган ислоҳотлар сабабли 18 апрелдан давом этмоқда. Ислоҳотларда иш берувчилар ва ишчиларнинг ижтимоий суғурта жамғармаларига тўловлари қийматини ошириш таклиф қилинган. Президент бу ислоҳотларни бекор қилган. Май охирида Никарагуа Епископ конференцияси тинчлик бўйича миллий мулоқотнинг тикланиши бекор қилинишини эълон қилди. Руҳонийларнинг айтишича, ҳукумат тинчлик намойишлари билан чиқаётган халққа нисбатан қатағонларни бас қилмагунча мулоқот қайта бошланмайди.