Тошкент шаҳридаги Турин политехника университетида янги ўқув йилига қабул жараёнлари бошланди

Мамлакатимизда мустақиллигимизнинг илк йиллариданоқ таълим соҳасида амалга оширилаётган кенг ислоҳотлар сабаб,  юртимизда жаҳон таълим стандартларига мос етук олий ўқув юртлари қаторида  нуфузли хорижий олийгоҳларнинг филиаллари фаолият юритмоқда.

Бугун ушбу олий ўқув юртларини тамомлаган ёшлар мамлакатимизнинг турли тармоқларида маҳаллий  мутахассислар сифатида фаолият юритиб келмоқдалар. 

Саноатнинг  юқори тармоқлари бўлган автомобилсозлик,  қурилиш архитектураси ва ахборот технологиялари ҳамда жорий йилдан бошлаб авиакосмик инжиниринг йўналиши бўйича мутахассисларни етказиб берувчи Тошкент шаҳридаги Турин политехника университети юртимиздаги нуфузли олий ўқув юртларидан биридир.  Ҳозирда ушбу олийгоҳда 1000 дан ортиқ  талабалар  таҳсил олмоқда.  Университет талабалари ҳамда профессор- ўқитувчилари  бир неча йиллардан бери халқаро ташкилотларнинг турли дастурларида фаол иштирок этиб, ҳар йили Италия, Германия, Япония ва Жанубий Корея каби давлатларга алмашинув дастури орқали бориб ўз малакаларини ошириб қайтмокдалар. Бундан ташқари, талабалар Европанинг дунёга танилган йирик корxона ва ташкилотларида амалиёт ўтамоқдалар.

Шунингдек,  юртимиз ва хорижий давлатларда бўлиб ўтаётган турли кўргазма ва семинарларда ҳам университет талабалари фаол иштирок этиб келишмоқда. Хусусан,  International Youth Summit, ICT Week, World Festival of  Youth and Students 2017 in Sochi, Russia,  Astana EXPO 2017  ва шу каби бошқа кўплаб  кўргазмаларда университетнинг иқтидорли талабалари ўз инновацион лойиҳалари билан қатнашдилар. 

Университетда ўқув жараёнлари Италиянинг Турин университети ва xалқаро стандартларга ҳамда Ўзбекистон Республикаси кадрлар тайёрлаш миллий дастури мақсад ва вазифаларига мос равишда олиб борилади. Университетда  Италиядан келган юқори малакали профессорлар ва маҳаллий профессорлар талабаларга таълим беришади ва дарслар тўлиқ инглиз тилида олиб борилади.

Эътиборли жиҳати, университетда кириш имтиҳонлари учун ҳужжатлар топшириш жараёни  ва  кириш имтиҳонлари  мамлакатимизда янги бўлган тизим  Online тарзда ўтказиб келинади. Абитуриентлар университет сайти орқали  Online рўйxатдан ўтишгач, ҳужжатларни тақдим этишади. Шундан сўнг, уларнинг  биометрик паспорт маълумотлари ва бармоқ излари сканердан ўтказилиб, абитуриентлар маълумотлар базасига киритилади. Online тест синови куни эса биометрик паспорт маълумотлари ва бармоқ излари абитуриентлар маълумотлар базасига мувофиқлиги текшириб кўрилгандан кейин, имтиҳонга киришга руxсат этилади.

2014- йилдан бери йўлга қўйилган бу тизим абитуриентларнинг имтиҳон жараёни очиқ, яъни шаффоф  тарзда ўтиши ва натижалар абитуриентнинг ўз билимигагина боғлиқ эканлигига бўлган ишончни бериши табиий. Бундан ташқари, Online  имтиҳон жараёни Тошкент шаҳридаги Турин политеxника университетида Италиядан келган юқори малакали профессорлар  томонидан назорат қилинади.

Кириш имтиҳонларига жорий йилдан бошлаб айрим ўзгартиришлар киритилган бўлиб, Online тест саволлари: Математика фанидан 18 та; Физика фанидан 12 та; Мантиқ  бўйича 6 та ҳамда Ўқиб тушуниш бўйича 6 та жами  42 та саволлардан иборат бўлади. Online  тест жараёни 90 дақиқа давом этади. Танланган жавоблар ҳар бир тўғри жавоб учун 1 балл, нотўғри жавоб учун учун  -0,25 балл айириб ташланади, танланмаган жавоб варианти эса 0 балл билан баҳоланади. Абитуриентлар Online тестни якунлагандан сўнг, тўғридан тўғри ўз тест натижалари билан танишишлари мумкин.

 Кириш  имтиҳонларининг  юқори савияда ўтказилиши абитуриентлар томонидан яxши қабул қилинмокда. Шунинг учун ҳам университетга кириш учун ҳужжат топширувчиларнинг сони йилдан йилга ортиб бормокда.

Имтиҳон натижаларига  кўра  жами 100 фоиздан  80 дан  юқори балл тўплаган  35 нафар талабаликка қабул қилинганларга 2-курсдан ўқишни давом эттириш имтиёзи берилади.

Университетга 2018/2019  ўқув йили учун қуйидаги бакалавриат таълим йўналишлари ва магистратура мутахассислиги бўйича абитуриентлар қабул қилинади :

Эслатиб ўтамиз, бу йили университетга ҳужжатлар топшириш муддати 1 майдан иш бошлади  ва 29 июнга қадар давом этади. Ҳужжатлар топшириш бўйича тўлиқ маълумотлар университет сайти  www.polito.uz да келтирилган