Германия ҳукумати Volkswagen’га 1 млрд евролик жарима солди
Германиянинг Брауншвейг шаҳри прокуратураси “дизел можароси” билан боғлиқ тарзда Volkswagen AG компаниясига 1 млрд евролик жарима солди.
Компания жаримага рози бўлган, ўзининг жавобгарлигини тан олган ва қарор юзасидан апелляция топширмайди.
Жарима суммаси ўз ичига мумкин бўлган максимал жарима 5 млн евро ва ноқонуний олинган даромаднинг қайтарилиши кўринишида яна 995 млн еврони олган.
Терговнинг кўрсатишича, компания дизел двигателлар билан жиҳозланган 10,7 млн машинанинг синови вақтида мониторинг қоидаларини бузган. Бу автомобиллар синов вақтида зарарли моддалар чиқиндилари кўрсаткичларини камайтириб кўрсатувчи ноқонуний дастурлар билан сотилган.
Компания атрофидаги “дизел можароси” 2015 йилда бошланган ва унга кўп миллиардлик жарималарга айланган. АҚШнинг ўзида компаниянинг судга харажатлари ва тўлаган жарималари миқдори 25 млрд доллардан ошиб кетган.
Мавзуга оид
13:49 / 05.09.2024
Volkswagen Германиядаги заводларини ёпишга ҳозирланмоқда
14:53 / 03.09.2024
Германияда Volkswagen собиқ раҳбари устидан суд бошланди
21:44 / 02.09.2024
Volkswagen Германиядаги заводларини ёпиш имкониятини кўриб чиқмоқда
09:26 / 06.08.2024