Қўшимча функционаллар
-
Тунги кўриниш
Равшан Эрматов жаҳон чемпионатларида учинчи марта Мессига ҳакамлик қилади
Ўзбекистонлик ҳакам Равшан Эрматов ЖЧ-2018 гуруҳ босқичидан ўрин олган Аргентина – Хорватия ўйинини бошқаради. Беллашув 21 июнь куни Нижний Новгород шаҳрида соат 23-00да бошланади.
Бу Эрматов учун жаҳон чемпионатларидаги 10-ўйин бўлиб, ҳамюртимиз бу борада ўзига тегишли бўлган дунё рекордини узайтиради. Унга қанотларда Абдуҳамидулло Расулов ва Жаҳонгир Саидов ёрдам беришади.
Қайд қилиш жоизки, Равшан Эрматов фаолиятидаги учинчи жаҳон чемпионатида иштирок этмоқда. У Жанубий Африкада ўтказилган ЖЧ-2010 ва Бразилияда ўтказилган ЖЧ-2014 мусобақаларида иштирок этиб, жами 9та ўйинни бошқарган ва дунё рекордини ўрнатган.
Эрматов икки марта Аргентина терма жамоаси ўйинларида ишлаган. Ҳар иккала баҳс Жанубий Африкадаги ЖЧ-2010 турнирида бўлган. Гуруҳ босқичида Аргентина Грецияни 2:0 ҳисобида мағлуб этган. Чоракфиналда эса Германияга 0:4 ҳисобида ютқазган.
Маълумот ўрнида, Равшан Эрматов 2003 йилдан бери ФИФА рефериси саналади. У 5 марта Осиёнинг энг яхши ҳаками деб топилган. 2015 йилда эса энг яхши ҳакам сифатида Globe soccer awards мукофотини олган.
Россия мундиали
2018 йилнинг 14 июнидан 15 июлига қадар Россиянинг 11та шаҳрида 12та стадионда ЖЧ-2018 бўлиб ўтади. Россия илк бор мундиалга мезбонлик қилмоқда.
Мавзуга оид
12:23 / 25.04.2025
Байрам тугади, энди жаҳон чемпионатига тайёргарлик кўриш керак – Эрматов ўсмирларни акаларининг хатоларини такрорламасликка чақирди
15:21 / 26.02.2025
Равшан Эрматов: «Осиё кубоги мезбонлиги бизга топширилса, Марказий Осиё тарихдаги энг ёрқин форумлардан бирини ўтказа олади»
21:35 / 06.05.2022
Ўзбек спортининг 30 йиллик тарихидаги энг яхшилар тақдирланди
16:59 / 27.10.2021