Кун ўйинлари анонси: Бугун чорак финалнинг яна икки иштирокчиси аниқ бўлади

Бугун, 1 июль куни жаҳон чемпионати нимчорак финал учрашувлари давом эттирилади. Кун тақвимидан икки учрашув ўрин олган.

Куннинг биринчи ўйини мундиал мезбонлари Россия ва чемпионат фаворитларидан бири Испания ўртасида кечади. Ўйин Тошкент вақти билан соат 19:00да бошланади.

Испания - Россия
1 июль. Москва. «Лужники» стадиони. 19.00 (Россия 1).
Ҳакамлар: КАЙПЕРС, ван Рукел, Зайнстра (барчаси - Голландия).
Дисквалификация қилинганлар: йўқ - Смольников.

Кун охирида эса гуруҳдаги барча учрашувда ғалаба қозонган ва бу борада ягона бўлган Хорватия - Нигерия (2:0), Аргентина (3:0), Исландия (2:1) - C гуруҳида Франциядан кейинги иккинчи ўрин билан чиққан Данияга қарши ўйнайди. Бугунги ўйинларда ғолиб бўлган жамоалар кейинги босқичда ўзаро тўқнашади.

Хорватия - Дания
1 июль. Нижний Новгород. «Нижний Новгород» стадиони. 23.00 (Первый канал).
Ҳакамлар: ПИТАНА. Майдана, Белатти (барчаси - Аргентина).