Алданган ўзбекистонликлар Россия йўлларида қолган
Россияда муҳожирликда кун кечирган ўзбекистонлик йўловчилар бир неча кундан буён йўл четида сув ва овқатсиз қолмоқда. Бу ҳақда вазиятдан хабардор бошқа йўловчилар Kun.uz'га маълум қилишди.
«Москвадан 600 км узоқликдаги (тахминан Пенза шаҳри яқини) катта йўл ёқасида, сув ва егуликсиз қолишмоқда. Уларни йўловчи ташиш билан шуғулланган бошқа ўзбеклар чув туширгани айтилмоқда. Бу ҳам етмагандай, йўлтўсарлик қилиб, пулларини шилиб, ўзларини таёқ билан обдон савалашган», - дейди Kun.uz мухбири билан суҳбатлашган йўловчи. У жабрланувчиларни йўлда учратган.
Воқеалар тафсилотини жабрланувчилар ҳам тасдиқлашмоқда. Уларнинг таъкидлашича, ҳақиқатан енгил автомобиль ваъда қилиб, йўл ҳақи йиғиб олингач, барча мажбуран автобусда кетиши айтилган.
«Бунинг устига, қўшимча пул талаб қилинди. Бизни дўппослаб, яна пулимизни шилиб олди. Бир неча марта Ўзбекистоннинг Россиядаги элчихонасига қўнғироқ қилдик. Улар ёрдам беролмаслигини айтишди. Нима қилайлик? Бир неча суткадан буён шу ердамиз-ку», - дейди жабрланувчилардан бири.
Маълум қилинишича, уларнинг аксарияти Россияда меҳнат қилиб, уйга қайтаётган муҳожирлар ҳисобланади. 100га яқин ўзбекистонлик чорасиз Россияда қолишига қарамай, ҳеч ҳам умидсизланмаяпти.
«Насиб қилса, уйга эсон-омон етиб олайлик. Президентимизнинг сўзларини эшитяпмиз, бу гаплар жонга оро киряпти. Уйга қайтиб, деҳқончилик билан шуғулланиш ниятим бор», - дейди жабрланувчилардан бири Kun.uz'га йўлланган видео мурожаатида.
Мавзуга оид
22:10 / 28.09.2024
Украина разведкаси Москва вилоятида Россия армияси полковниги ўлдирилганини маълум қилди
20:45 / 28.09.2024
Россияда мактаб директори ота-оналарга мигрантлар туфайли ўзбек тилини ўрганишни таклиф қилди
20:30 / 28.09.2024
«Азимут» авиакомпанияси Россиядан Ўзбекистонга рейс очишни режалаштирмоқда
18:54 / 28.09.2024