АҚШ Хитойнинг иқтисодий сиёсатига қарши халқаро коалиция тузади

Америка Қўшма Штатлари Хитой ҳукуматининг иқтисодий соҳадаги сиёсатига қарши халқаро коалиция тузади. Бу ҳақда АҚШ давлат котибининг иқтисодиёт ва тадбиркорлик масалалари бўйича ёрдамчиси Маниша Сингх Конгресс Сенатининг хорижий ишлар бўйича қўмитасидаги тингловларда маълум қилди.

“Хитойнинг бизни ташвишга солаётган иқтисодий тажовузкорлигига нисбатан жавоб чораларини қўллаш Американинг иттифоқчи ва шериклари томонидан ҳам маъқулланмоқда. Биз Хитойнинг бозор конъюктурасини бузадиган, технологияларни беришга мажбур қиладиган ва муҳим интеллектуал мулкни ўғирлашга имкон берадиган давлат сиёсатига қарши халқаро коалиция тузамиз”, - деди у қўмитанинг Вашингтон маъмуриятининг божхона тўловларини киритиш қарорига бағишланган мажлисида.