Танишини қасддан машинада уриб, ёрдам кўрсатиш ўрнига уриб-тепиб ўлимига сабаб бўлган шахс ушланди

Иллюстратив фото

24 июль куни Қашқадарё вилоятининг Қарши шаҳрида қотиллик юз берди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилмоқда.

Қайд этилишича, шу шаҳарда яшовчи З.Э. таниши Б.Қ. билан телефон орқали ўзаро жанжаллашиб кетаётган вақтида уни йўл четида турганини кўриб қолиб, ўзининг “Нексия” русумли автомашинаси билан уриб, бу ҳам етмагандек, автомашинадан тушиб, унинг танасини турли жойларига уриб-тепиб, жароҳат етказган.

Натижада Б.Қ. касалхонага олиб кетилаётган вақтида вафот этган. З.Э. эса қўлга олинган.