Уайт: «Поветкин қўрқоқлик қилди»

Супер оғир вазн тоифасида WBC Silver камари соҳиби боксчи Диллиан Уайт россиялик Александр Поветкин ҳақидаги ўз фикрлари билан ўртоқлашди.

Унинг сўзларига кўра, жаҳон чемпиони номига даъвогар бўлган спортчи у билан жангдан қўрқоқлиги туфайли воз кечди.

«Поветкин - яхши боксчи, бироқ у қўрқди. Мен унга жанг таклиф қилдим, у рози бўлди, аммо икки ҳафтадан сўнг у ва унинг жамоаси бундан бош тортди. Мен у билан жанг қилиб, ишқибозларимиз ҳамда Дэвид Прайс учун ғалаба қозонмоқчи эдим», - дея британиялик боксчининг сўзларини келтиради BoxingScene.