Нино Буржанадзе: «Грузиянинг НАТОга кириши умуман керак эмас»

Грузия парламенти собиқ спикери Нино Буржанадзенинг маълум қилишича, Грузия ҳал этилмаган иккита этник можаро туфайли яқин вақт ичида НАТО аъзосига айланмайди. Бу ҳақда у «Известия» газетасига берган интервьюсида маълум қилган.

Аввалроқ, НАТО бош котиби Йенс Столтенберг Грузия НАТО аъзосига айланиши ҳақида маълум қилганди. Шу билан бирга, альянс раҳбари аниқ муддатларни ошкор этмаган.

Буржанадзе, Столтенбергнинг сўзларига изоҳ бериб, Грузия ҳукумати «ўн йилдан бери» шундай сўзларни эшитаётгани ҳақида маълум қилди. Унинг сўзларига кўра, НАТО вакиллари мамлакатда 2008 йилдан сўнг вазият «радикал» равишда ўзгарганини «жуда яхши» тушуниб турибди.

Собиқ спикернинг таъкидлашича, мамлакатда иккита этник можарога ечим топилмагунга қадар, Грузиянинг НАТОга «кириши ҳақида гап ҳам бўлиши мумкин эмас».

«Ҳозир Грузиянинг НАТОга кириши умуман керак эмас», - дея хулоса қилган Буржанадзе.