Африка футболини ривожлантирган собиқ футбол агенти ЎФАда маслаҳатчи бўлди 

Футбол агенти сифатида фаолият юритган Санъат Шарипов Ўзбекистон футбол ассоциациясига маслаҳатчи бўлди. Бу ҳақда ЎФА сайти хабар бермоқда.

Санъат Шарипов 2003 йил Москвадаги Ломоносов номидаги Журналистика факультетини тамомлаган. Шунингдек, 2016 йилда Швейцариянинг Цюрих шаҳридаги Халқаро спорт йўналишида таълим олиб, уни муваффақиятли якунлаган. Бундан ташқари, 2016 йил Жанубий Африка Республикаси футбол ассоциациясида футболни ривожлантириш бўлимида ишлаган.

Энди у Европа футболидаги ютуқлар, бой тажриба ва футболчиларни тарбиялашда йўлга қўйилган тизим, маҳаллий футболчиларнинг хориж клублари билан шартнома имзолашда аҳамият қаратиши керак бўлган жиҳатлар каби кўплаб масалаларда ўзининг қимматли маслаҳатлари билан ўртоқлашиб боради.