Перу собиқ президентига тиббий текширув учун АҚШга боришига рухсат берилмади

Судья Хуан Санчес Бальбуэна Перу собиқ президенти Педро Кучинскига мамлакатни тарк этишга ва АҚШга тиббий текширувдан ўтиш учун боришга рухсат бермади.

Судьянинг сўзларига кўра, март ойида президентга Перуни 18 ой давомида тарк этишни тақиқлаш ҳақида қарор чиқарилган бўлиб, бу қарорга қарши чиқилмайди.

Собиқ давлат раҳбарининг адвокатлари тиббий маълумотнома тақдим этган, унга кўра 79 ёшли Кучинскида юрак аритмияси сезилгани боис АҚШда тиббий текширувдан ўтиши лозим эди.

Кучински ўзи билан боғлиқ фирмалар фойдасига Odebrecht компаниясидан 4,8 миллион доллар олганликда гумон қилинмоқда. Март ойида Перу конгресси Кучинскининг истеъфо ҳақидаги сўровини қондирган ва унинг ўрнига биринчи вице-президент Мартин Вискаррани президент этиб тасдиқлаганди.