Тожикистонлик 170 нафар санъаткор «Дўстлик оқшоми» концертида иштирок этиш учун Ўзбекистонга йўл олди

Фото: CA-News

Тожикистонлик 170 нафар санъаткор «Дўстлик оқшоми» концерт дастурида иштирок этиш учун Ўзбекистонга йўл олди. Делегацияга Тожикистон маданият вазири ўринбосари Ибодулло Машраб бошчилик қилмоқда, деб хабар берди вазирлик матбуот хизмати.

Икки давлат санъат усталарининг биргаликдаги концерт дастури 17 август куни «Ўзбекистон» Форумлар саройида бўлиб ўтади.

Тошкентда тожик маданияти ва санъатини таниқли артистлар Давлатманд Холов, Адҳам Холиқов, Саидқул Билолов, Тахмина Ниёзова, Муҳаммадрафи Кароматулло ҳамда республиканинг турли вилоятлари рақс ва эстрада жамоалари намойиш этади.