UFC икки карра чемпионга Нурмагомедов ёки Макгрегор билан жанг бўйича рад жавоби берди

Мутлақ жангчилар чемпионатининг (UFC) икки карра чемпиони Жорж Сен-Пьер Ҳабиб Нурмагомедов - Конор Макгрегор жанги ғолиби билан куч синашмайди. 

Ташкилот раҳбари Дана Уайтнинг сўзларига кўра, канадалик фақат ўз шахсий манфаатини кўзламоқда, шунинг учун унга рад жавоби берилди.

«Менга бу жанг қизиқ эмас. У билади, унга кўп маротаба айтганман. Сен-Пьер ўзига кўп пул олиб келадиган жанг қидирмоқда. Бу ёмон эмас, у айнан шу билан шуғулланиши керак. Бироқ, биз учун бу қизиқ эмас. Ярим ўрта вазнга қайтиш - умуман бошқа масала. Аммо, у жанг қила оладими ёки йўқми, буни билмайман», - дея Уайтнинг сўзларини келтиради MMA Mania.

37-ёшли Сен-Пьер ўзининг сўнгги жангини Майкл Биспингга қарши ўтказган бўлиб, ғалаба қозонган. 2018 йил июнь ойида у ўз фаолиятини тугатаётгани ҳақида эълон қилди.

Эслатиб ўтамиз, аввалроқ UFC собиқ чемпиони Нурмагомедов-Макгрегор жанги ҳақида гапирганди.