Осиё ўйинлари. Дмитрий Шокин ва Светлана Осипова ярим финалга чиқди

Бугун кўплаб ўзбек спортчилари Индонезияда бўлиб ўтаётган Осиё ўйинларида баҳсларга киришганлар. 

Таэквондо бўйича баҳсларда Дмитрий Шокин (+80кг) чорак финалда ҳиндистонлик Акшай Кумарни 15:1 ҳисобида мағлубиятга учратди ва ярим финалга йўл олди.

Шунингдек, Светлана Осипова (+67кг) ҳам комбожалик рақибини мағлуб этиб, ярим финалга чиқди. Осипова илк жангида эронлик кучли рақибини 6:3 ҳисобида мағлубиятга учратган.

Чарос Қаюмова (-56кг) илк жангида Шарқий Тимор мамлакати аъзосини мағлубиятга учратди. Бироқ, таиландлик рақибасига 27-28 ҳисобида ютқазиб қўйди.

Суратлар муаллифи Маъруфжон Аскаров