Таэквондо. Тоиров ва Рафалович чорак финалга чиқди

Индонезияда Осиё ўйинларининг тўртинчи куни доирасидаги баҳслар давом этмоқда.

Таэквондо бўйича икки нафар ҳамюртимиз чорак финалга йўл олди. Сардор Тоиров Шри-Ланка терма жамоаси аъзосини 22:6, Никита Рафалович эса мўғулистонлик спортчини 24:7 ҳисобида мағлубиятга учратди. 

 Академик эшкак эшиш баҳсларида иштирок этган тўртлигимиз маррага иккинчи бўлиб етиб келди ва тўғридан-тўғри финалда иштирок этиш ҳуқуқини қўлга киритди.

Ўқ отиш бўйича Кузнецова ва Мамедова саралаш босқичида иштирок этишди. Улар финал йўлланмасини қўлга кирита олмадилар.