Саккиз йилда тайёр бўлган гиперкар: 1750 от кучи ва соатига 480 км тезлик

Американинг SSC North America (Shelby SuperCars) компанияси Tuatara гиперкарини намойиш этди. Унинг асосий хусусияти – қудратли мотори: иккита турбинали V8 мотори 1750 от кучига эга.

Гиперкар номи Янги Зеландияда яшовчи калтакесак номидан олинган. «Туатара» сўзи маори тилида «елкадаги тароқ» маъносини билдиради. Машинанинг ташқи кўриниши бу таърифга мос келади: эшиклар ортида иккита қанот, орқа қисмида эса аэродинамик сузгичлар жойлашган.

Шасси ва кузов углепластик каркас асосига қурилган. Ташқи панеллар ҳам ана шу хомашёдан таёрланган. Шу сабабли машинанинг вазни атиги 1247 килограммни ташкил этади.

Двигатель Лос-Анжелесдаги Nelson Racing Engines ательесида тайёрланган бўлиб, иккита турбина билан жиҳозланган. У оддий бензинда 1350 от кучи, Е85 бензин-спирт аралашмасида 1750 от кучига тенг қувватга эга бўлади.

Олти поғонали трансмиссия Италиянинг Cima фирмасига тегишли. Pagani Zonda, Koenigsegg, Gumpert Apollo каби суперкарлар ана шундай трансмиссияга эга.

Машина дизайнини америкалик дизайнер Жейсон Кастриота яратган. У аввал Pininfarina ательесида ишлаган бўлиб, Ferrari 599 GTB Fiorano ва Maserati GranTurismo суперкарлари яратилишида иштирок этган.

SSC Tuatara дунёдаги энг қудратли йўл автомобилларидан бири бўлиши мумкин. Bugatti Divo мотори 1500, Koenigsegg Regera мотори 1600 от кучига эга. SSC муҳандисларининг ҳисоб-китобларига кўра, автомобилнинг максимал тезлиги соатига 480 километрга тенг бўлади.

Shelby SuperCars компаниясига 1998 йилда Жерод Шелби асос солган. Компания Гиннесснинг рекордлар китобига кирганидан сўнг машҳурликка эришган: 2007 йилда SSC Ultimate Aero TT автомобили тезлигини соатига 412,28 километрга етказган. Компаниянинг ушбу суперкари уч йил давомида дунёдаги энг тезюрар автомобиль деб ҳисобланган, сўнгра Bugatti Veyron