Илон Маскни судга беришди

Фото: REUTERS

Тадбиркор Эндрю Лефт Tesla асосчиси Илон Маскни судга берди, деб хабар қилмоқда CNBC.

Лефтнинг билдиришича, концерн асосчиси Tesla акциялари нархи билан манипуляция қилиб, биржа фирибгарликларини амалга оширган. Хусусан, Маск твиттердаги ўз саҳифасида компанияни хусусий қилмоқчи экани ва молиялаштириш «кафолатлангани» ҳақида ёзган. Шундан сўнг Tesla акциялари курси беқарор кўриниш касб этди.

Эслатиб ўтамиз, аввалроқ Саудия Арабистони суверен жамғармаси Tesla акцияларини харид қилиш бўйича компания раҳбарияти билан музокаралар олиб бораётгани маълум бўлганди.

Фонд Tesla асосчиси Илон Маскка компанияни акциядорлардан сотиб олишига ёрдам бериши керак бўлган келишувда иштирок этмоқчи эди.

#Tesla #Илон Маск