Apple янги Apple Watch Series 4’ни тақдим этди. Унинг экрани рамкасиз бўлади

Apple иккита моделда Apple Watch Series 4 «ақлли» соатларини тақдим этди. Унинг корпуслари 40 ва 44 мм ўлчамга тенг. Олдинги моделларга нисбатан экран ўлчами 35%га ошди.

Соатлар, шунингдек, янги циферблат ва кучайтирилган динамикларга ҳам эга бўлди. Series 4 S4 янги процессори билан жиҳозланган, у соатнинг иш фаолиятини икки баробарга ошириши керак.

Шунингдек, янги Apple Watch инсоннинг соғлиғини кузатиши ва тез ёрдамга қўнғироқ қилиши мумкин. Бу киши йиқилиб тушса ва бир дақиқадан ортиқ вақт давомида ҳаракатланмаса юз беради. Бундан ташқари, соат электрокардиограммани (ЭКГ) яратиши ҳамда касалликнинг биринчи аломатларини аниқлаши мумкин, аммо ЭКГ учун илова аввал фақатгина АҚШда бўлади.

Соатнинг бир қувватлантиришдан ишлаш вақти 18 соатга тенг. Бундан ташқари, соатнинг ён тугмаси тактик алоқа (taptic engine) билан жиҳозланди, унинг ёрдамида фойдаланувчилар ЭКГ қилиши мумкин.