Тошкентда сохта ички ишлар ходимлари қўлга олинди
Фуқаролар Бекзод Адилбеков ва Анвархўжа Шоисаев моддий манфаат илинжида ички ишлар органи ходимининг хизмат кийимини кийиб, фирибгарликка қўл урди. Бу ҳақда “Тошкент” телеканалидаги “Пойтахт вазият” дастурида маълум қилинди.
Улар осон пул топиш мақсадида жорий йилнинг 28 февраль куни соат 16:30ларда Тошкент шаҳар Миробод тумани ҳудудидаги “Болажон” истироҳат боғига келишади ва шу ерда сайр қилиб юрган Ҳакимов ҳамда Юсупованинг олдига бориб, уларни сўроққа тутадилар. Мақсад - пўписа қилиш орқали пул ишлаб олиш бўлган. Айнан шунинг учун жамоат жойида беҳаё ҳаракатларни содир этганликда айблаб, бу ҳақда улар яшайдиган маҳаллада муҳокама қилмаслик эвазига пул талаб қилишади.
Жабрланганларнинг аризасига кўра ўтказилган Ички ишлар вазирлиги ҳамда Тошкент шаҳар ИИББ Ўз хавфсизлиги бошқармаси ходимларининг тезкор тадбирлари ўтказилди. Натижада Адилбеков ва Шоисаевлар 80 минг сўм миқдордаги пул маблағини олган вақтида ушланди.
Мазкур ҳолат юзасидан Тошкент шаҳар ИИББ ҳузуридаги Тергов бошқармаси томонидан Ўзбекистон Республикаси Жиноят кодексининг 165-моддаси 2-қисми “в” банди билан жиноят иши қўзғатилди. Ҳозирда дастлабки тергов ҳаракатлари давом эттирилиб, уларнинг бошқа жиноятларга алоқадорлиги текширилмоқда.
Мавзуга оид
14:04 / 22.09.2024
Тошкентда катта тезликда ҳаракатланган ҳайдовчи 19 ёшли қизнинг ҳаётига зомин бўлди
07:30 / 21.09.2024
Тошкентда машинасини сотишни айтиб, ўзганинг пулини ўзлаштирган шахс ушланди
14:28 / 20.09.2024
Сергелида BYD уриб юборган ўқувчи қиз вафот этди
12:20 / 20.09.2024