Австралияда қулупнай ичига игна тиқиб қўяётган гумонланувчи ушланди

Фото: Facebook/Angela Stevenson

Австралия полицияси қулупнай меваси ичига игна тиқиб қўяётган ўсмирни ушлади. Таъкидланишича, ўсмир буни “ҳазил тариқасида” амалга оширган. Бу ҳақда Sky News телеканали хабар берди.

Аввалроқ Австралияда дўконларда сотилаётган қулупнай ичидан игналар чиқаётгани маълум қилинганди.

Хабарда таъкидланишича, тергов давом этади ва ҳуқуқ-тартибот идоралари қолган гумонланувчиларни излашни давом эттиради.

ABC телеканалининг хабар қилишича, Австралия бош вазири Скотт Моррисон мевалар ичига игна тиқиб қўяётган жиноятчилар учун жазони 15 йилгача озодликдан маҳрум қилишгача қатъийлаштиришни таклиф қилган.