Лука Модрич «Олтин тўп» ҳақидаги саволга жавоб берди

Фото: Getty Images

«Реал» клуби ва Хорватия терма жамоаси яримҳимоячиси Лука Модрич «Олтин тўп»ни олиш имкониятлари ҳақида гапирди.

«Одамлар менга овоз бераётганидан ва номзодлар рўйхатига киритилганимдан фахрланаман, аммо, такрорлайман, «Олтин тўп» ҳақида кўп ўйлаётганим йўқ.

Эътиборимни ўйинга қаратишни лозим кўраман. Мен учун муҳими - жамоамнинг ютуғи. «Олтин тўп»га келадиган бўлсак, уни қўлга киритсам, бахтиёр бўламан. Агар киритолмасам, ҳаёт бу билан тугаб қолмайди» - деб Модрич сўзларини келтирмоқда Marca.