Лола Каримованинг Instagram саҳифаси ҳужумга учради

Охирги ҳафтада Instagram саҳифамда ботлар, яъни сохта аккаунт орқали обуна бўлувчилар сони кескин ошиб кетгани туфайли саҳифам созламасини ўзгартириб, уни «приват» тизимига ўтказишга мажбур бўлдик, деб ёзади Лола Каримова-Тиллаева Facebook’даги саҳифасида.

«Сўнгги бир неча кун давомида Instagram'даги саҳифамга ботлар томонидан янги очилган ўн мингдан ошиқроқ фейк, яъни сохта аккаунтларнинг обуна бўлгани кузатилди. Биздаги рақамларга кўра, ҳар бир неча дақиқа ичида янги-янги бот-аккаунтлар очилмоқда», - дейди у.

Лола Каримованинг таъкидлашича, ахборот технологиялари бўйича жамоаси Instagram билан ҳамкорликда рўй бераётган ҳолатга ойдинлик киритмоқда. У барчага эътиборли бўлишни тавсия этган.