Instagram асосчилари истеъфога чиқмоқда

Фото: The New York Times

Instagram бош директори Кевин Систром ва ижтимоий тармоқнинг бош техник директори Майк Кригер истеъфо беришди, яқин ҳафталар ичида улар компанияни тарк этади. Бу ҳақда The New York Times газетаси вазиятдан хабардор манбаларга асосан хабар бермоқда.

Нашр маълумотларига кўра, Систром ва Кригер 25 сентябрь, сешанба куни Instagram ва ижтимоий тармоққа эгалик қилувчи Facebook раҳбариятига ўз қарорларини маълум қилишган. Манбаларнинг таъкидлашича, Instagram ҳамасосчилари ўз истеъфолари сабабларини изоҳлашмаган, аммо улар ишдан бўшатилганидан кейин таътил олишни режалаштираётганликлари ҳақида айтишган.

Газетадан тахмин қилишларича, Систром ва Кригер Instagram’ни ҳозирги кунда Facebook билан кузатилаётган энг катта инқироз туфайли тарк этишга қарор қилганлар.

Эслатиб ўтамиз, аввалроқ Лола Каримованинг Instagram саҳифаси ҳужумга учрагани хабар берилганди.

#Facebook #Instagram