Нью-Йорк мэри Трампдан барча тўламаган солиқларини ундиришга ваъда берди

Нью-Йорк маъмурияти АҚШ президенти Дональд Трампдан солиқлар тўлашдан бош тортиб тўламаган барча пулларни ундиради. Бу ҳақда Нью-Йорк мэри Билл де Блазио матбуот анжуманда айтиб ўтди.  

У Трамп солиқларни тўламагани ҳақида The New York Times нашрида билдирилган айбловлар ҳақиқатга мослигига ишонч билдирган. Мэрнинг айтишича, Трамп “солиқ идораларини алдаган, қоидаларни четлаб ўтиб, кўплаб марта суд ва терговлардан қоча олган”. “Очиғини айтганда, агар Нью-Йоркдаги давлат ишчилари ўз вазифаларини виждонан бажарганларида Трамп ҳеч қачон АҚШ президенти бўла олмасди”, деб айтган де Блазио.

The New York Times’нинг таъкидлашича, Трамп кўчмас мулк соҳасида отасидан солиқдан қочишда кўмак бергани учун камида 413 млн доллар олган.    

Мақолага кўра, Трампнинг ота-онаси ўз фарзандларига 1 млрд доллардан кўпроқ нақд пул ва кўчмас мулк берган. АҚШда белгиланган 55 фоизлик солиқ ставкасига кўра, тўланиши керак бўлган солиқ камида 550 млн долларни ташкил қилиши керак бўлган. Трамплар эса аслида 5 фоизлик ставка бўйича бор-йўғи 52,2 млн доллар солиқ тўлашган. Нашрнинг фикрича, АҚШ солиқ идоралари Трамп солиқдан қочишнинг шубҳали, гоҳида эса очиқчасига қонунга зид схемаларини қўллаганига қарши деярли ҳеч қандай қаршилик кўрсатишмаган.  

Трампнинг адвокати нашрда билдирилаётган айбловларни сохта деб атаган.