С-300 эффекти. АҚШ Сурияда яна F-22 қирувчиларини қўллаши мумкин

Сурияга Россияда ишлаб чиқарилган С-300 зенит ракета комплекслари топширилганидан сўнг, Қўшма Штатлар Сурия Араб Республикаси ҳудудидаги ҳарбий ҳаракатларда яна F-22 қирувчиларидан фойдаланишни бошлаши мумкин. Бу ҳақда The Drive хабар қилмоқда.

Таъкидланишича, ҳозирда Қўшма Штатлар Сурия ҳукумати томонидан назорат қилинмайдиган ҳудудларда қирувчилардан фойдаланмоқда.

Шунингдек, нашрнинг таъкидлашича, Дамашқ C-300’ни қўллашни тахминан уч ойдан кейин бошлаши мумкин. Бундан ташқари, The Drive маълумотларига кўра, Россия томонидан тақдим этилган зенит ракета комплекслари мамлакатнинг шимолий-ғарбий минтақасини қамраб олиш учун етарли бўлмаслиги мумкин.

Эслатиб ўтамиз, аввалроқ ЕИ Сурияда жангарилар қуролсизланиши учун пул ажратишга тайёр экани хабар берилганди.