Хабиб Нурмагомедов Конор Макгрегорнинг таклифини рад этгани маълум қилинди

Фото: REUTERS

Россиялик яккакураш жангчиси Хабиб Нурмагомедов ирландиялик Конор Макгрегор билан 15 млн долларга реванш жанг ўтказиш таклифини рад этди. Бу ҳақда “Спорт-Экспресс” нашрига Хабибнинг амакиси Алекс Нурмагомедов маълум қилган.

Нурмагомедов 6 октябрда Лас-Вегасда ўтган жангда Макгрегорни мағлуб этиб, UFC чемпиони унвонини ҳимоя қилганди.

Хабиб ва Конор ўртасида реванш жанг бўлиши мумкинлиги ҳақидаги саволга Хабибнинг амакиси рад жавобини берган.

“Конор Хабибга қизиқмас. Хабиб у билан ҳеч қандай пулга жанг қилмайди. Унга реванш жанг таклиф қилинмоқда. Унинг розилиги учун 15 млн доллар таклиф қилишди. Бироқ Хабиб “йўқ” деб жавоб қилди. Конор жанг қилишга навбатга турсин, бошқалар билан уришиб кўрсин. Хабиб эса Фергюсон (Тони) билан жанг қилиб, сўнгра фаолиятини якунламоқчи”, деб айтган Алекс Нурмагомедов.

Тайёрлаган Шуҳрат Раҳимов

#Конор Макгрегор #Хабиб Нурмагомедов

Хабиб Нурмагомедов ҳимоя жангида Конор Макгрегорни бўғиш усули билан мағлуб этди. Аммо жанг тугаши билан октагон ташқарисида ва октагон ичида жанжал юзага келди.