Экотуризм: Орол бўйида икки фестиваль ўтказилади

19-20 октябрь кунлари Нукус ва Мўйноқда икки ажойиб экофестиваль ўтказилади – "Орол денгизи ва Мўйноқнинг тикланиши" ҳамда "Орол балиқларидан 99 таом". 

Uzbekistan.travel'да маълум қилинишича, фестиваллар доирасида Оролни тиклашга доир илмий анжуман, Қорақалпоғистон Республикаси Давлат ўлкашунослик музейи филиали сифатида Мўйноқ этнографик музейи очилиши, балиқдан тайёрланган таомларни ўз ичига олган  гастрономик тур ва фольклор ансамбллар ҳамда ижрочилар иштирокидаги концерт дастурлари ўтказилиши режалаштирилган. 

Шу билан бирга, Мўйноқ туманида, Орол бўйида фестиваль меҳмонларига экотуризмнинг замонавий намуналари - ўтовли лагерлардан тортиб то жип ва квадроцикллардаги сафаригача намойиш қилинади.