Шавкат Мирзиёев Милош Земанга табрик йўллади

Ўзбекистон Республикаси президенти Шавкат Мирзиёев 28 октябрь - Мустақил Чехословакия ташкил топган кун муносабати билан Чехия Республикаси президенти Милош Земанга табрик йўллади.

Эслатиб ўтамиз, 28 октябрь куни чехлар Мустақиллик куни - Мустақил Чехословакия Республикаси ташкил этилган кунни нишонлашади.

Чехия биринчи жаҳон урушидан сўнг - 1918 йилда мустақилликни қўлга киритган. 1918 йил 28 октябрда Чехия миллий қўмитаси мамлакатнинг Австрия-Венгриядан мустақиллигини эълон қилди. Бундан ташқари, ўша куни у Словакия билан бирлашди. Натижада, Чехословакия ташкил топди.

1993 йил 1 январь куни Чехия Республикасининг Чехословакиядан мустақиллиги расман эълон қилинди. Шу билан бирга, Чехия Республикасининг мустақиллик байрами 28 октябрда, ўз давлати тарихида ҳал қилувчи аҳамиятга эга бўлган санани инобатга олган ҳолда нишонланмоқда.