Бухорода ўғрилар қўлга олинди

Иллюстратив фото

Шу йил 8 сентябрь куни Бухоро шаҳри, К.Муртазов кўчасида яшовчи Б.Н. Бухоро шаҳар ИИБга мурожаат қилган, деб хабар бермоқда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси.

У шу йил 6 сентябрга ўтар кечаси номаълум шахс унинг уйи эшигини калит танлаш йўли билан очиб кириб, хонасидан 27 млн. сўм пули ва 6 турдаги заргарлик буюмларини ўғирлаб кетганлигини маълум қилган. Ҳолат юзасидан жиноят иши қўзғатилган.

Кўрилган чоралар натижасида ушбу жиноятни Навоий шаҳрида яшовчи Ж.Т. ва Ғалаба шоҳ кўчасида яшовчи муқаддам судланган А.К. содир этганликлари аниқланиб ушланганлар.

Тергов ҳаракатлари давом этмоқда.