Канадада иккита самолёт тўқнашиб кетди

Канада пойтахти Оттавадан 30 км узоқликда жойлашган Карп шаҳри осмонида иккита енгил моторли самолёт тўқнашиб кетди. 

Воқеа маҳаллий вақт билан соат 10:11 атрофида юз берган. Самолётлардан бири тўқнашувдан кейин экин майдонига қулаган. Иккинчи самолёт эса Оттава халқаро аэропортига йўналтирилган ва у ерда муваффақиятли қўна олган. Бу самолёт 11 кишилик Piper Cheyenne самолёти бўлиб, унинг бортида 2 киши бўлган.

Қўнган самолёт учувчиси бошқа самолёт унинг самолёти тубига урилиб, ўнг шассисига текканини маълум қилган.

Полицияда қулаган самолёт бортида неча киши бўлгани, улар омон қолган-қолмагани маълум қилинмаган. Бироқ тиббий доиралардаги манбанинг маълум қилишича, қулаган самолёт учувчиси воқеа жойида ҳалок бўлган.

Воқеа жойида қутқарувчилар, шифокорлар ва полициячилар иш олиб борган.