Роналду А Сериянинг 12 ўйинида гол+пас тизими бўйича 14 очко жамғарди

«Ювентус» ҳужумчиси Криштиану Роналду А Сериянинг 12-турида «Милан» дарвозасини ишғол этди. Ўйин 2:0 ҳисобида туринликлар фойдасига ҳал бўлди.

Ушбу баҳсдан сўнг 33 ёшли португалияликнинг гол+пас тизими бўйича очколари сони 14 тага етди. У чемпионатнинг 12 ўйинида 8+6 маҳсулдорлик кўрсаткичига эришган. Бу А Сериянинг мавсумдаги энг яхши кўрсаткичи саналади. Бу борада кейинги ўриндаги Лоренцо Инсинье («Наполи») ҳисобида 10 очко (7+3) бор.

Тўпурарлар баҳсида Роналду «Женоа»нинг 9 та тўп киритган ҳужумчиси Кшиштоф Пентекдан битта голга ортда қолмоқда. Шунингдек, «Лацио» вакили Чиро Иммобиле ҳисобда ҳам 8 та гол мавжуд. Ушбу учала ҳужумчи ҳам ўз натижаларига 12 та ўйинда қатнашиш орқали эришган, Пентек 9 та голини барчасини ўйин вазиятидан, Роналду ва Иммобиле эса бир мартадан пенальтидан рақиб дарвозасини ишғол этган.