Афғонистондаги портлаш 40 кишининг ҳаётига зомин бўлди

Афғонистон пойтахти Кобулда содир этилган портлаш оқибатида камида 40 киши ҳалок бўлди, 80 киши жароҳат олди.

Дастлабки маълумотларга кўра, портлашни никоҳ тантаналари ўтувчи саройда худкуш содир этган. Портлаш вақтида у ерда байрам тадбири ўтаётган ва мингга яқин одам йиғилган бўлган.  

Маълум қилинишича, худкуш одамлар орасига кириб, ўзини портлатган. Таъкидланишича, ушбу теракт қурбонлари сони бўйича Афғонистонда охирги ойларда содир этилган энг йирик терактлардан бири бўлди.