Магистрал маълумот узатиш тармоғини кенгайтиришга 56 млн доллар сарфланади

Идоралараро тендер комиссияси иккита инвестиция лойиҳаси бўйича дунёдаги етакчи телекоммуникация ускуналари ишлаб чиқарувчилар ўртасида тендер ўтказди.

Инвестицион лойиҳалар қуйидагилар:

DWDM технологияси ва рақамли радиорелейли қурилма бўйича магистрал тармоқ қисмида «магистрал ва мультисервисли маълумотларни узатиш тармоғини кенгайтириш»;

«IMS (IP Multimedia Subsystem) технологияси бўйича коммутация марказларини модернизация қилиш».

Ҳар иккисида ҳам Япониянинг Toyota Tsusho Corporation компанияси ғолиб бўлди.

Энди лойиҳага 56 млн доллар йўналтирилиши маълум бўлди. Улардан 15 фоизи Япониянинг SMBC банки кредитлари, қолган 85 фоизи - бошқа япон банки, JBIC’ники.

Ўзбекистон 2030 йилга келиб пулларни қайтаришни режалаштирмоқда.