Остонада «Ўзбекистон йили»​ якунлари бўйича маданият кунлари ўтказилмоқда

2018 йил Қозоғистон Республикасида «Ўзбекистон йили» деб эълон қилинганлиги муносабати билан йил давомида Қозоғистонда қардош халқлар сиёсати, иқтисод, маданий-маърифий, гуманитар ҳаёти бўйича кўплаб тадбирлар, форумлар, анжуманлар ташкил этилди.

Бугун, 12 декабрь куни Қозоғистон Республикаси Остона шаҳрида «Ўзбекистон маданияти кунлари» ўтказилмоқда. Ўзбекистон Республикасидан ўзбек эстрада юлдузлари, созанда ва раққосалардан иборат 70 кишилик делегация ушбу тадбирда иштирок этиш мақсадида Остонага етиб келган.