Жиззахда уч нафар фуқаро ис газидан заҳарланди, бир киши вафот этди

Шу йилнинг 12 декабрга ўтар кечаси Жиззах вилоятининг Шароф Рашидов туманида яшовчи И.У. ва унинг турмуш ўртоғи, уй бекаси М.У. ҳамда гўдак фарзанди уйида иситиш печидаги табиий газни чала ёниши оқибатида заҳарланган.

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, уларнинг барчаси касалхонага ётқизилганлар.

Кўрсатилган тиббий муолажаларга қарамай М.У. шу ерда вафот этган.

Эслатиб ўтамиз, аввалроқ Жиззахда олти киши ис газидан заҳарланганди.