Merriam-Webster луғати йил сўзини танлади

Фото: AP

Американинг Merriam-Webster луғати 2018 йилнинг сўзи сифатида «адолат» (justice) сўзини танлади. Бу ҳақда нашр сайтида хабар берилган.

Таъкидланишича, ушбу сўз бўйича қидирув сўровларининг сони 2017 йил билан таққослаганда 74 фоизга кўпайди.

«Адолат концепцияси якунига етиб бораётган йилда кўплаб муҳокамаларимизнинг марказида бўлди: ирқий адолат, ижтимоий адолат, жиноий, иқтисодий адолат», - дейилади луғат изоҳида.

Бундан ташқари, энг машҳур 10та сўз рўйхатидан «миллатчилик», «белги» ва бошқалар жой олди.

2017 йилда Merriam-Webster версиясига кўра «феминизм» йил сўзига айланган эди.