Самарқандда ўзаро жанжал бир одамнинг вафот этиши билан тугади

Жорий йилнинг 23 декабрь куни Самарқанд шаҳрида яшовчи Б.С. маст ҳолда, уйида ўзаро жанжал сабаб меҳмонда бўлган таниши Т.А.га пичоқ билан жароҳат етказган. 

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, натижада Т.А. кўп қон йўқотиши оқибатида воқеа жойида вафот этган. 

Ҳолат юзасидан жиноят иши қўзғатилиб, Б.С. қўлга олинди. 

Тергов ҳаракатлари олиб борилмоқда.