Суриялик курдлар Туркиядан ҳимоя қилишни сўраб Дамашққа мурожаат билан чиқишди

Фото: AP Photo/Hussein Malla

"Халқ мудофааси кучлари" отряди (ХМК) Дамашққа ХМК эгаллаб турган ҳудудлар устидан назорат ўрнатишни таклиф қилди.

"Биз ҳукумат қўшинларига бизнинг кучларимиз тарк этаётган ҳудудлар, жумладан Манбиж устидан назорат ўрнатишни ва бу ҳудудларни Туркия босқинидан ҳимоя қилишни таклиф қиламиз", дейилади курдлар баёнотида.

Шунингдек, баёнотда айтилишича, ХМК бор кучини Фрот шимолидаги ИШИД террорчи гуруҳига қарши курашга сафарбар қилишни режалаштирмоқда.

Аввалроқ АҚШ президенти Дональд Трамп Суриядан Америка қўшинлари олиб чиқиб кетилишини маълум қилганди. Шундан сўнг Туркия Сурия шимолида ХМКга қарши янги ҳарбий операция ўтказиш бўйича тайёргарлик ишларини фаоллаштирди.

Тайёрлаган Дилшод Аскаров

#Туркия #курдлар #Сурия

Сурияда 2011 йилда бошланган фуқаролар уруши мамлакатни бир неча қисмларга бўлиб ташлаган. Сурия ҳукумати, ИШИД, курдлар ва бошқа турли жангари гуруҳлар ўртасидаги қуролли тўқнашувлар ҳамон давом этмоқда.