Таймазов нега Сидней олимпиадасидан сўнг Ўзбекистон термаси таркибида қолганини тушунтирди

Эркин кураш бўйича икки карра олимпия чемпиони, жаҳон чемпионатлари ва Осиё ўйинлари ғолиби Артур Таймазов Ўзбекистон учун кумуш медаль тақдим этган Сиднейдаги Олимпиададан сўнг Россия терма жамоаси сафида фаолиятини давом эттиришни режалаштирган.

«Менга Сиднейда 2000 йилги Олимпия ўйинларида Ўзбекистон учун иштирок этиш таклифи келиб тушди. Мен қатнашиб, кумуш медаль қўлга киритдим ва яна Россия учун кураша бошладим. 2001 йилда оғир вазн тоифасида мамлакат чемпионатида ғалаба қозондим ва Европа чемпионатига тайёргарлик кўра бошладим. Бироқ, Россия учун иштирок этишни бошлашим учун икки йил ўтказиб юборишим лозимлигини айтишди. Аммо, биласизми, 21 ёшда бўлганингда икки йилга сафдан чиқиш жуда қийин. Шунинг учун бундай ҳолат юз берди, мен Ўзбекистон номидан қатнашишда давом этдим», - деди Таймазов Р-спорт’га берган интервьюсида.

Унинг қайд этишича, Ўзбекистон миллий терма жамоасида ўзини «жуда яхши ҳис» этган ва «ҳар доим 1000 фоизга ҳаракат қилган».

«Мен тақдим этилган қўллаб-қувватлов учун Ўзбекистон халқига миннатдорчилик билдираман. Бу менинг иккинчи ватаним, улар мен учун жуда яхши мухлислик қилишган. Шунингдек, Россияда мен учун ишқибозлик қилишган ва мен барча мухлисларимдан миннатдорман», - дея қўшимча қилиб ўтди спортчи.