Қўшимча функционаллар
-
Тунги кўриниш
Гуайдо Мадурони четлатиш бўйича ҳарбийлар билан музокаралар олиб борилаётганини маълум қилди
Венесуэла парламенти спикери, ўзини вақтинчалик президент деб эълон қилган Хуан Гуайдо мухолифат ҳарбийлар ва амалдорлар билан амалдаги президент Николас Мадурони ҳокимиятдан четлатиш бўйича музокаралар олиб бораётганини маълум қилди. У бу ҳақда Washington Post нашрига сўзлаб берган.
Гуайдонинг айтишича, музокаралар махфий равишда олиб борилмоқда.
“Биз мансабдор шахслар, фуқаролар ва ҳарбийлар билан музокаралар олиб бормоқдамиз. Бу шахсий хавфсизлик билан боғлиқ жуда нозик мавзу. Улар билан эътиборни жалб қилмаган ҳолда учрашувлар ўтказмоқдамиз”, деб айтган Гуайдо.
Мухолифатчи ўз тарафдорларини 30 январь ва 2 февраль кунлари кўчаларга чиқишга чақирган. Унинг айтишича, акциядан мақсад гуманитар ёрдам олиш учун, узурпацияга қарши ва инсон ҳуқуқлари учун курашдан иборат.
Венесуэлада амалдаги ҳокимиятга қарши оммавий норозиликлар 21 январда бошланди. Норозиликлар ортида Гуайдо ўзини вақтинчалик президент деб эълон қилди. Ноҳукумат ташкилотлари маълумотларига кўра, намойишлар вақтида 791 киши ҳибсга олинган, 29 киши ҳалок бўлган.
Венесуэлада сиёсий инқироз
Мавзуга оид
17:35 / 21.04.2025
Салвадор президенти венесуэлалик ноқонуний мигрантларни «сиёсий маҳбуслар»га алмашмоқчи
15:39 / 20.04.2025
АҚШ Олий суди венесуэлалик мигрантлар депортациясини тўхтатиб қўйди
11:02 / 28.03.2025
Венесуэла президенти АҚШ давлат котибини «аҳмоқ» деб атади
22:09 / 26.03.2025