Трамп Мадуро билан учрашишни рад этганини айтди

Фото: Reuters

АҚШ президенти Дональд Трамп CBS телеканалига берган интервьюсида Венесуэла раҳбари Николас Мадуро Трамп билан учрашишни сўраганини, аммо у бу учрашувни рад этганини айтди.

«У учрашишни сўради, лекин мен рад этдим, чунки биз бу жараёнда анча ичкарига кириб кетдик. У ерда ёш ва серғайрат эркак бор (миллий ассамблея раҳбари Хуан Гуайдо — таҳр.), ўша гуруҳда бошқалар ҳам бор... агарда демократия ҳақида гапирсангиз, демократия ишга тушди», — деди Трамп.

Шунингдек, Трамп Венесуэлага АҚШ қўшинлари юборилиши мумкинлигини ҳам истисно этмади.