Гуайдо: Россия ва Хитой Мадурони эмас, балки ўз инвестицияларини ҳимоя қилмоқда

Фото: AP

Венесуэла мухолифати етакчиси Хуан Гуайдонинг маълум қилишича, Россия ва Хитой Венесуэла президенти Николас Мадурони эмас, балки республикадаги ўз инвестицияларини ҳимоя қилмоқда. Бу ҳақда The Wall Street Journal хабар берди.

Унинг сўзларига кўра, Мадуро Россия ва Хитойга «барқарорлик ҳамда кафолатларни» таклиф қила олмайди.

Шунингдек, унинг қўшимча қилишича, Венесуэла мухолифати республикада барқарорлик бўлишини қўллаб-қувватлайди.

Гуайдонинг таъкидлашича, Москва ва Пекин «ҳақиқатдан ҳам» Мадуро тарафида эканига ишонмайди.

Эслатиб ўтамиз, аввалроқ Мадурога Россиядаги дўстлари ёнига жўнаб кетиш таклиф қилинганди.

Тайёрлаган Отабек Матназаров

#Венесуэла #Хуан Гуайдо

Венесуэла президент Николас Мадурога қарши оммавий норозилик намойишлари гирдобида қолди. 23 январь куни, ушбу намойишлар авжига чиққан вақтда Венесуэла парламенти раҳбари Хуан Гуайдо ўзини мамлакатнинг муваққат президенти деб эълон қилди