Қўшимча функционаллар
-
Тунги кўриниш
Қозоғистонда янги бош вазир тайинланди
Фото: BNews.kz
Қозоғистон парламенти депутатлари президент Нурсултон Назарбоев иштирокидаги ялпи мажлисда ҳукумат янги раҳбари лавозимига Асқар Мамин номзодини тасдиқладилар. Бу ҳақда Оқўрданинг Twitter’ида хабар берилди.
«Парламент Мажлиси депутатлари А.Мамин номзодини ҳукуматнинг янги раҳбари лавозимига тасдиқладилар», - дейилади хабарда.
Нурсултон Назарбоев бу ҳақдаги тегишли фармонни имзолади.
Эслатиб ўтамиз, 21 февраль куни Қозоғистон президенти Нурсултон Назарбоев мамлакат ҳукуматини истеъфога чиқаришга қарор қилди ва унинг истеъфосини қабул қилди. Ўша куни Асқар Мамин бош вазир вазифасини бажарувчига айланди.
Янги бош вазир 1965 йил 23 октябрда Целиноградда туғилган. Илгари Остона ҳокими, транспорт ва коммуникациялар вазири, 2016 йил сентябрдан бош вазирнинг биринчи ўринбосари лавозимларида ишлаган.
Мавзуга оид
21:23 / 13.11.2024
Дунёдаги зарарли чиқиндиларнинг бор-йўғи 1 фоизи Марказий Осиё мамлакатларига тўғри келади – Тўқаев
15:30 / 13.11.2024
Қозоғистонга йўлбарслар қайтарилмоқда. Улар бундан 70 йил аввал йўқолиб кетганди
09:40 / 12.11.2024
«Фориш» полигонида Ўзбекистон ва Қозоғистон ҳарбий машғулотлари бошланди
20:54 / 11.11.2024