Қўшимча функционаллар
-
Тунги кўриниш
Республика болалар аутизми реабилитация марказини ташкил этиш ҳақида петиция пайдо бўлди
“Менинг фикрим” жамоавий мурожаатлар порталида Республика болалар аутизми реабилитацияси марказини ташкил этиш ҳақида петиция пайдо бўлди.
Ҳозирги кунда туғилаётган чақалоқлар орасида аутизм ташхиси қўйилганлар ҳам бор. Хорижий давлатларда болалар аутизми билан шуғулланадиган кўплаб марказлар фаолият юритади.
“Бизда Республика болалар ижтимоий мослашуви марказидан бошқа жойда ушбу касалликка чалинган болаларни реабилитация қилишга шароит мавжуд эмас”, - дейилади петицияда.
Маълумотларга кўра, мазкур касалликни боланинг ёшлигидаёқ даволаш мумкин.
“Шундан келиб чиқиб, аутизм касаллигига чалинган болаларга сифатли тиббий ёрдам кўрсатиш, уларнинг ота-оналарига кўмаклашиш, аутизм касаллигини муваффақиятли даволаш мақсадида Республика болалар аутизми реабилитацияси марказини ташкил этишни таклиф қиламан”, - деб ёзади мурожаат муаллифи.
Эслатиб ўтамиз, аввалроқ шифокорларнинг фуқаролар соғлиғига зарар етказгани учун касбий жавобгарлиги мажбурий суғурта қилиниши хабар берилганди.
Мавзуга оид
14:12 / 28.04.2025
Қийноққа солиш ҳолатлари тўғрисидаги мурожаатларни тезкор текшириш механизми жорий этилади
16:47 / 24.01.2025
Тошкент пропискаси тарихга айланади: фуқаролар турган жойи бўйича рўйхатдан ўтишда онлайн мурожаат қилиш имкони яратилмоқда
17:30 / 07.01.2025
Ўз дунёсида яшаётган болалар. Аутизм билан қандай курашиш керак?
10:03 / 02.09.2024